EAST TIMOR COFFEE INSTITUTE : Equipa Acreditasaun Visita ETCI Atu Hare Progresso Annual 2012

Rabu, 12 September 2012

Equipa Acreditasaun Visita ETCI Atu Hare Progresso Annual 2012

ETCI ERMERA-Ekipa Akreditasaun husi Panelista Peritus Internasional ho nasional, ne’ebe kompostu husi nain 2, husi internasional no akompaina husi Agency Nasional Avaliasaun Akreditasaun Akademiko nain ida mai halo Avaliasaun ba “East Timor Coffee Institute (ETCI)” iha Gleno Distrito Ermera.

Lia fuan hirak ne’e hato’o husi Sr. Vice pro Reitor I, ETCI. Eng. Julio de Jesus Gomes,M.Si. loron Quarta Feira, 12/09/2012. Iha nia servisu fatin ETCI Gleno.

Sr. Vice Reitor, informa mos katak objektivo husi avalaiasaun ne’e:

1. Atu hare besik liu ba buat ne’ebe East Timor Coffee Institute prepara ona liu hosi “Annual Progress Report” ba tinan akademiko 2012 nian i ne’ebe hato’o tiha ona ba Agencia Nasional (ANAAA).

2. Halo avalia ba Progresu tomak ne’ebe ETCI halao iha tinan akademiko 2012 nia laran, lao ho Suksesu ba sira ne’ebe realiza no sira ne’ebe la realiza ne’e ho nia obstaklo saida ?

3. Atu avalia mos ba muda naran husi East Timor Coffee Academy (ETICA), ba East Timor Coffee Institute (ETCI) no planu hasa’e programa nivel Diploma ba Liciensatura (S₁), ba tinan akademiko 2013 mai.

4. Planu preparasaun atu hasae nivel ne’e mos preparado ona ho komponente apoio hanesan rekursu Humano, fasilidade no seluk tan pronto ona ga lae !

Sr. Vice Reitor, mos realsa tan katak husi Avaliasaun panel sira halo surumuto maka hanesan, (1). Enkontro ho korpo Reitorado (Reitor, Vice Reitor no Dekano Fakuldade hotu). (2). Enkontro ho Korpo Dosente, (3). Enkontro ho representante Estudante Universitario, (4). Enkontro ho funsionario ne’ebe apoio ba prosesu aprendizajen maka hanesan Pesoal biblioteka, IT, adminitrativa no responsalvel laboratoria sira hotu, (5). Visita ba rekursu aprendizajen nian makahanesan, biblioteka, laboratoria no sala IT. (6). Exit meeting (enkontro remata ho korpu Reitorado).

Iha parte seluk Gomes esplika liu tan katak depois de visita ba Evaluasaun progreso “ETCI” 2012, nivel Akreditadsaun, internasional ho nasional halo kedas Evaluasaun durante menutus 15 hamutuk ho nivel Reitorado ETCI, hodi rona kedas sugestao husi ekipa akreditasaun, Evaluasaun loron tomak ida nian, iha ETCI Gleno-Distrito Ermera.

Tuir obserbasaun katak depois de visita, iha ETCI. Komitiva ne’be refere Desloka ba Dili iha horas 17.00 lokraik horas Timor Leste hodi preparsaun, ba halo Avalia fila fali Instituisaun Ensinu Superior seluk ne’ebe esiste iha Timor-Leste nian. (ETCI-ERMERA, Mario M.S).

Tidak ada komentar:

Posting Komentar

Visaun no Misaun ECTI

ISTORIA, MISAUN, VISAUN NO OBJEKTIVO

EAST TIMOR COFFEE INSTITUTE

(E T C I)

1. INTRODUSAUN

1.1 Istoria Hari Ensino Superior Privadu

East Timor Coffee Institute (ETCI) hanesan Ensino Superior Privado muda naran East Timor Coffee Academy (ETICA) neebe deklara publikamente iha data 17 de Maio de 2003, husi Intelektuais, Leaders Komunidade Distrito Ermera, hanesan Instituisaun Ensino Superior Privado ne’ebe hakarak partisipa iha dezeimvolvementu rekursu umanu iha Timor-Leste iha seitor Edukasaun bazeia ba Konstituisaun Republika Democratico de Timor Leste artigu 59 bersiklu 1,2 e 3 ne’ebe koalia kona ba sidadaun Timor Leste iha direitu atu hari no dezeimvolve seitor edukasaun tuir konstituisaun ne’ebe vigora iha nasaun Timor Leste, no garantia kualidade ho kapasidade ba sidadania iha nivel hotu-hotu. Distrito Ermera kompostu hosi sub-distrito 5 (lima), suku 52, aldeia 275 no total populasaun hamutuk 117.635 bazeia ba data sencu uma kain statistiku 2010.

1.2. Naran, Dirasaun No Simblo

Naran, dirasaun no simblo East Timor Coffee Institute (ETCI)/ Intitutu de café de Timor Leste (ICTL).

Naran Instituisaun Ensino Superior Privado ne’e mak East Timor Coffee Institute, ne’ebe habadak ETCI.
Dirasaun Instituisaun Ensino Superior Privado ne’e mak : Rua Gleno distrito Ermera, Tlp. (+670), 3313139, fax : (+670), 3324017, Mobil (+670) 77232930,
Email : director_ etica@yahoo.com.br, etica_ gleno@yahoo.com.au.

d. Signifika Simblo Instituisaun Ensino Superior Privado hanesan tuir mai ne’e :

1. Trapisiu kantu 5 ho lina metan signifika katak East Timor Coffee Institute hamrik iha distrito Ermera ne’ebe kompostu husi sub-distrito 5 (Letefoho, Atsabe, Hatolia, Ermera no Railaco (“LAHER”).

2. Imblema kór Kinur signifika katak Fundador, Edukador, Funsionaris sira tenke sai hanesan naroman (Tocha) jeralmente ba povo Timor Leste no spesifikumente ba povo agrikultor café.

3. Laleuk mutin haleu ho café sanak ne’ebe komposto husi fukun 6 kor matak no fuan mean signifika katak fundador, Edukador, Estudantes Universitariu no eis-alumnus neon, fuan mos, hoonestu no aten berani, defende no dedika-an tomak ba instituisaun hodi servi kommunidade iha Timor laran tomak.

4. Café sanak ne’ebe haleu tahan matak ho fuan mean representa distrito 6 neebe sai hanesan centru produsaun café iha Timor Leste.

5. Lapizera ho livro signifika katak albo kuriklo no sistema aprendizajem.

6. Toga signifika katak nivel edukasaun ás

7. Mapa no uma lako signifika katak modelo kultura spesifiku nasaun Timor Leste

1.3. Misaun

Misaun East Timor Coffee Institute (ETCI) esforsu no hakas-an hodi eduka no forma foin sae feto i mane Timor Oan ne’ebe remata sira nia estudu ho kualidade no profesionalismo iha area Agronomia, Agro-negócio, Agro-comérçio no Agro-Floresta ho komponente hanesan tuir mai :

a. Dezemvolve no kompete ba prosesu apriendesajem ba Dosente no Estudantes nebe’e kreativo, aktivo ho kapasidade iha area sientifico nebe’e iha kwalidade no profesionalismo.

b. Eduka no forma estudantes nebe’e iha komitmento diak ba motivasaun konhesemento area siencia no teknologia ba plantasaun no produsaun kafe’e

c. Eduka no forma estudantes nebe’e iha konhesemento akademiko, hanoin luan hodi desmvolve geralmente sector agricultura no espesifiku plantasaun no produsaun kafe’e nebe’e kualidade hodi compete iha merkadu internasional

d. Imajen ou halo programa espesifiku hodi produs estudantes ne’ebe professional no kualidade as hodi compete ba kampo de trabalho iha rai laran no liur.

e. Atu produs intelektuais ne’ebe iha dedikasaun, kredibilidade, loyalidade no kapasidade de servisu ne’ebe as hodi desemvolve nasaun Timor Leste.

1.4. Vizaun

Visaun Instituisaun East Timor Coffee Institute (ETCI) hanesan tuir mai :

a. Hasae kualidade rekursu humanu iha Timor Leste ho hanoin luan no ba oin ho kapasidade ne’ebe forte no domina ciencia i teknologia bazeia ba potensialidade rekursu natureza iha Nasaun Timor Leste

b. Produs rekursu humanus ne’ebe iha responsabilidade ho dedikasaun no loyalidade ne’ebe as atu desemvolve Rai Doben Timor Leste

c. Haburas no habelar siencia no teknologia ba jerasaun foun tuir era-globalizasaun.

1.5. Objectivo

Objectivo Intituisaun East Timor Coffee Institute (ETCI) hanesan tuir mai :

Aumenta no motiva partisipasaun Fundasaun Café “LAHER” hodi hasae dezeimvolve seitor edukasaun iha Timor Leste
Produs no eduka estudantes ne’ebe kualidade no profesional hodi dezeimvolve seitor agrikultor injeral i espesifiku plantasaun no produsaun de café
Fo motivasaun no apoio ba estudantes universitariu iha prosesu apriendezajen active bazeia ba Tri Darma Ensino Superior; Edukasaun, peskuiza no servi ba kommunidade iha Timor Leste.
Timor Coffee Institut (ETCI) hanesan instituisaun edukasional ne’ebe halo relasaun no servico hamutuk ho instituisaun Guverno, ONG Nasional no Internasional
Hari lina koordenasaun liu husi aktividade ne’ebe oferese husi instituisaun East Timor Coffee Institute (ETCI) tuir potensialidade ou rekursu natureza iha rai doben Timor Leste.

Eduka no forma foin sae Timor Oan ne’ebe iha kualidade ho profesionalismu iha area agrikultura hodi hadian kualidade no kuantidade de produsaun café.