CFCCE Fahe Sertifikado Ba Dala Uluk Iha Aula ETCI, Hafoin Remata Curso Durante Fulan Rua Resin

ETCI-ERMERA, CENTRO FORMAÇAO CURSO COMPUTADOR (CFCCE), ne’ebe hamahan a’an iha East Timor Coffee Institute (ETCI), realisa finalidade curso ba estudante 54 nebe tuir ona formasaun durante fulan rua resin

Iha serimonia ne’e halao ho fahe sertificado ba Estudante hamutuk nain 54, kompostu mai hosi Eskola Premaria 6, Eskola Presekundaria 12, Eskola Secundaria 18, Joventudde 8 no Estudante Institute ETCI 10 iha  loron Quarta Feira loron 19/09/2012, fatin Aula ETCI Gleno Distrito Ermera.

Coordenador CFCCE, Ramalhino Lelo da Cruz, L.Agrof,  hateten katak, liu husi Kursu komputador  ne’e, ho objetivu atu kapasita Estudante no Jeventude sira hodi bele iha  konhesementu klean liu tan  ba Komputador,

Cordenador Centru formasaun ne’e mos hatutan liu tan katak formasaun refere oferese liu ba  Joventude sira ne’ebe la kontinua Estudo, tamba iha Kursu ne’e progama 5 nebe sensetivu tebes  mak sei hanorin,  henesan Microsof office Plus,  inklui mos, M.s. Word M.s. Exel, M.s. Power Point, no programa bonus maka internet ho Publiser. Lelo haktuir.

Iha sorin seluk Direktur SEFOPE nebe partisipa mos iha serimonia ne’e hateten katak Centro formasaun ne’ebe hari ho naran CFCCE ne’e hanesan parte importante ida hodi ajuda mos programa SEFOPE nian ne’ebe relevante tebes ho Formasaun no nudar Kordenador SEFOPE nia  louva tebes ba Kursu ne’ebe CFCCE hari tanba bele halo mos pakote ho Internet,  Ikus responsavel SEFOPE Ermera ne’e hato lia menon katak nafatin fo koragem ba Joventude no Estudantes sira ne’ebe Kursus atu labele para deit ho kursu ne’e, sebele hare formasaun seluk   hanesan Agrikultura, Linguistik, no areia seluk tan atu bele kapasita an nafatin wainhira hakarak halo kompetisaun iha vagas ruma.

Ir. Julio de Jesus Gomes, M.Si. hanesan Vice Pro Reitor I ETCI hateten katak Kursu ne importante tebes ba alin sira tanba computador sai hanesan mata dalan ida ba ema hotu hodi bele adopta tuir siensia no teknologia ne’ebe iha, Ohin loron komunidade internasional sira adopta siensia nebe modernu tebes,

Vice Reitor ne’e mos esplika ba Jovem no Estudante sira, katak, ba sira nebe hetan ona finalidade kurso ne’e imi bele asesu no halo operasaun ba internet hodi akompanha informasaun global ohin loron iha mundo tomak nebe ohin akontese, bele hare kedan tamba ne’e kapasitasaun sai  hanesan Barometer ida ba alin sira liu hosi curso computador  ne’ebe CFCCE kapasita ona  imi, Gomes ne’e esplika

Leonito da Cruz de Deus nudar estudante ne’ebe remata husi curco ne’e hateten katak nia la konhese saida komputador wainhira nia tama iha faze konhesemento  nia sente kontente tebes tamba liu husi curso CFCCE ne’ebe hamahan a’an iha instituisaun ETCI nia okos sira bele  hetan oportunidade hodi aprende no konhese kona ba komputador no Internet, tamba ne sira fiar katak buat nebe sira aprende sei aplika iha fatin seluk wainhra sira servisu ou loke negosio ruma iha areia RENTAL

Partisipa iha serimonia fahe sertifikado ne’e hanesan Directur SEFOPE, Strutura dosente ETCI, Estudante, no Juventude,

Hafoin remata Cursu ba etapa primeiro iha Quarta feira semana ne’e, CFCCE sei loke fali registrasaun ba etapa Segundo  iha Centru CFCCE  Edifisio ETCI Gleno, ba  estudante no Joventude sira ne’ebe hakarak atu kapasita an iha areia komputador no Internet (ETCI-ERMERA Mario M.S.)