Atu Muda Mentalidade Estudante, Persija Liu Husi Orientasaun Edukasaun no Konhesemento Kampus (OEKK)

ERCI-Ermera, Orientasaun ba Tinan Akademiko 2013-2014 iha Kampus ETCI Glenu Ermera, iha orientasaun ne’e Estudante sira hato’o sira nia sentimentu no komentario durante tuir aktividade Orientasaun 27-29 Janeiru 2014.

Estudante ne’ebé mai Husi Eskola Sekundaria Publiko Nino Konis Santana Glenu, Imaculada Babo Soares foti fakuldade Gestao Administrasaun Publiku no area estudo Gestao hato’o nia sentimentu ba orientasaun mai iha Media ETCI-Ermera hateten katak, iha orientasaun ne’e tristi tamba Klima udan no anin ami nia maun/a seniorista sira kastigo, maibe sira ne’e hotu hanesan lissaun diak ida mai ami no mos hau bele konhese klean diak liu ambiente kampus nian. Didikasaun sira ne’e hotu nu’udar kandidata foun ba ensinu superior iha “ETCI”  hau bele hatene informasaun  barak no konhese ambiente kampus durante orientasaun ne’e lao I hau nia maun seniorista sira kolia kona ba sistema/regras ensinu superior nian, iha parte seluk Babo hateten nia aprezia teb-tebes orientasaun ne’e, liu husi prosesu orientasaun maka hau bele kapasita hau nian mentalidade wainhira hakat ba prosesu aprendizajem iha ensinu superior.

Estudante ne’ebé hanesan Zaquel Martins husi Fakuldade Agrikultura area studo Agronomia, iha nia intervensaun katak hanesan Juventude ne’ebe prepara a’an atu kontinua hau nia estudu iha ETCI pesoalmente ba hau sentimentu durante loron 3 iha aktividade orientasaun senti iha parte 2 maka  hato’o (1). Kontenti tanba Eskola ne’ebé Assesivel ba hau, bele kumprende kona ba lalaok Institutu ida ne’e, komprende kona ba kna’ar no responsavilidade husi Reitor tun mai Pro Reitor 4 no aprende disiplina ho oras, lori atributo, iha parte seluk bele aumenta ami nia Extracuriculer ne’ebé existe iha ensinu superior ETCI hanesan EP2S, FOHAN no mos kna’ar senado estudante nian, aprende esperensia foun liu husi Cerama durante loron 3 nia laran. (2). Hau senti triste oi toan tanba klima udan halo ami ladun atende aktividade ho diak, xefe Departemento la fahe informasaun tanba loron 3 deit hateten Carmo.

Bartolameu Pinto Salsinha kna’ar hanesan Xefe Senado ETCI, hanesan mos Xefe Komisaun Orientasaun ba Tinan Akademiko 2013-2014. Nia hateten katak, hanesan komisaun/senioristas ida iha ETCI hau sempre uja hau nia esperencia ne’ebé hau iha hodi halo servisu hamutuk ho Instituisaun atu simu kna’ar ida ne’e hodi orienta Kandidatu Estudante foun ho palestra seluk (Cama/Cami), sira tuir duni planu ne’ebé ami planea hamtuk ho Estrutura Komisaun Organizadora Orientasaun nian no hetan aprovasaun husi Instituisaun, e hau hamutuk ho hau nia strutura hodi orienta ba alin kandidatu ensinu superior sira durante loron 3 hodi aplika ba    sira maka azaun fisiku lubun ida maka ami atinzi tuir planu ne’ebé maka ami halo kompremizu iha abertura liu ba, nomos ami sempre koko sira nia mentalidade atu nune’e sira bele iha mentalidade ne’ebé diak no konhesementu ambiente Kampus nian antes sira hakat mai tuir prosesu aprendizajem iha Ensinu superior ETCI. Iha sorin seluk Barto haktuir tan katak, relasiona ho orientasaun ne’e ami mos konvida Palestradu husi Civitas Akademiku ETCI nian hodi fahe sira nia matenek ne’ebé iha ba Kandidatu/a sira, atu nune’e kandidatu sira konhese klean ba papel no servisu husi palestradu sira nian, liu-liu strutura Instituisaun nian, hau mos fahe esperensia no servisu senadu nian ba kandidatu sira ho organizasaun sira ne’ebé hamahan a’an iha senadu nia okos nomos ba alin kandatu sira wainhira hakat mai iha aktividade aprendizajem bele inkului tama iha organizasaun hirak ne’e hodi aumenta esprensia. ETCI-Ermera Mario M.S.

ETCI Halao Orientasaun Ba Estudante Foun

ETCI-Ermera. East Timor Coffee Institute (ETCI), halao orientasaun ba Estudante foun. Orientasaun ne’e halao iha Kampus ETCI Gleno-Ermera, durante loron 3 (Segunda (27/01/)- Kuarta (29/01).

Objetivo husi orientasaun, Reitor Interinu ETCI Julio de Jesus Gomes hateten katak atu bele konese klean ambiente Instituto ETCI, konese malu no kuinese sistema akademiku. Iha parte hanesan mos Reitor Interino ne’e hateten katak orientasaun ne’e inportante tanba estudante sira ne’ebé maka liu iha probas eskrita  hodi tama mai ETCI bele iha konesementu kona ba lalaok iha Instituto ida ne’e no estudante sira ne’ebé maka la tuir orientasaun, estudante sira sei la hatene edukativu iha nivel ensinu superior nian ida nia laran.
Iha parte seluk mos Sr. Julio hateten katak, Fakuldade ne’ebé maka ejisti iha ETCI iha Fakuldade 4 ho nia Departementu 11. Iha abertura ba orientasaun ne’e mos Sr. Julio realza ho istoria no Visaun, Misaun Institutu nian ba estudante foun sira no orientasau ne’ebé hahu iha loron segunda, 27 Janeiru 2014 Reitor Interino loke akumpania husi Dekanu Fakuldade Agrikultura, Pro Reitor III no Xefe Departementu sira hotu ne’ebé partisipa iha Seremonia abertura ba orientasaun tinan akademiko 2013-2014 ba estudante foun sira hamutuk 102 maka tuir orintasaun iha Kampu ETCI.

Programa orientasaun ne’e lao durante loron 3 nia laran maka hare liu ba azaun fisiku no non fisiku, programa fisiku maka hanesan hamos ambiente kampus, kuda lutu moris haleu kampus, ke be dalan iha kampu nia oin no lori estudante foun sira ba iha fatin demonstrasaun ETCI nian iha Fatuquero hodi tau atensaun ba varidade ai horis iha area Institutu nian. Azaun Non Fisiku maka sei treinu mentalidade estudante foun nian kona ba sistema iha ensinu superior nian hateten Xefe Senado Estudante ETCI Bartolameu Pinto Salsinha Atraves sai hanesan mos Xefe komisaun orientasaun iha tinan akademiko 2013-2014.

Iha sorin seluk mos palestra husi Xefe Komisaun Organizadora iha abertura orientasaun ne’e hahaten katak prosesu ba simu estudante foun ne’e komesa iha 12/08/2013 mai to iha dia 20/01/2014 no nia resultado maka estudante hamutuk 120 I komisaun mos sei atende nafatin estudante iha etapa IV komesa 21-31 Janeiru 2014, tanba iha estudante balu maka sei mai kontinua iha ETCI. Hateten Sr. Francisco Soares de Jesus, Hanesan Komisaun Organizadora. (ETCI-Ermera Mario M.S.)

           

ETCI Sei Simu Estudante Foun Tinan Akademiko 2013/2014

ETCI Ermera. East Timor Coffee Institute (ETCI), liu husi Komisaun Organizadora simu Estudante foun ba Tinan Akademiko 2013/2014 loke nafatin tau naran foun ba Estudante ne'ebe akaba ona iha eskola sekundaria bele hakat mai iha Kampus ETCI hodi Registo, informasaun hirak ne'e hato'o husi Xefe komisaun organizadora Sr. Francisco Soares de Jesus, iha nia servisu fatin loron Kinta 16 Janeiru 2014 iha Kampus ETCI Ermera Gleno Timor-Leste.

Tuir Xefe Komisaun organizadora haktuir katak maske provas ba estudante foun iha 20 Janeiru 2014, maibe komisaun sei simu nafatin estudante foun ba etapa IV komesa iha 16-31 Janeiro 2014 tanba iha estudante barak maka sei mai kontinua iha ETCI. Iha Parte seluk xefe komisaun ne'e haktuir tan katak horariu ba estudante foun sira tuir provas maka iha data 20 Janeiru 2014, sei hare resultado provas iha data 21 Janeiro, 22 janeiru registo ba orientasaun Kampus no realiza orientasaun iha data 27-30 Janeiru 2014. ETCI Ermera Mario M.S.