Estudante ETCI Halo Komentario ETICA Nakfilak An Ba ETCI

ETCI-ERMERA - Etica hanesan instituisaun ida nebe mak existe ona iha Distrito Ermera iha tinan 2003 liu ba, nebe mak kontribui hodi produs rekursu humanu iha Timor leste hodi responde ba nesesidade Nasaun no komunidade Timor-leste liu-liu iha setor agricultura, tanba ne’e mak iha tinan 2008 liu ba hanesan loron uniko no spesial tebes ba ETICA tanba hetan akreditasaun husi equipa acreditasaun iha altura neba. Lia fuan hirak ne’e hato’o hosi Estudante Feliciano Soares, iha loron Sabado, 15/09/2012, fatin Kampus ETCI Gleno-Distrito Ermera.

Estudante ne’e realsa tan katak, mesmo que instituisaun ida ne’e  haksumik a’an iha Café laran maibe ho esforso nebe bo’ot husi dirigente  sira (o homen é pequeno mas o esforco é grande) ikus mai ETICA priense requezitos hodi hetan acreditasaun iha altura neba ho nune  iha tinan 2009 ETICA realiza primeira graduasaun ba graduante hamutuk 49. No ohin loron ETICA nafatin esforsu atu transforma nia statuto husi EAST TIMOR COFFEE ACADEMY (ETICA) ba  EAST TIMOR COFFEE INSTITUTE (ETCI) tanba ne’e mak iha loron, Quarta 12 fulan setembro liu ba Equipa avaliador ba Acreditasaun nian kontinua mai halo avaliasaun ba ETCI,  Soares esplika liu tan katak, iha prosesu avaliasaun  equipa ne’e hasoru malu ho strutura Reitorado ETCI no mos Corpo Dosente sira hotu, aleinde ida ne’e equipa refere mos hasoru direitamente ho estudante sira hodi halo diskusaun ho studante sira atu nune bele halo cheeking balance ba informasaun husi Dosente no estudante sira . objetivo prinsipal husi avaliasaun ida ne’e mak atu hatene progresso nebe mak antes no durante ne’e ETCI resulta, wainhira prosesu  diskusaun lao hela equipa refere hahu ho pergunta ba estudante sira sobre prosesu aprendizagem nian nebe maka durante ne’e lao no implementa iha ETCI
Hatan ba pergunta refere mak maioria estudante ETCI hateten katak prosesu no metodu (process and tools) nebe mak  implementa iha ETCI tuir kurikulu Edukasaun nian, iha parte seluk sira mos husu estudante sira atu bele fo sira nia sugestão ba strutura Reitorado ETCI para oinsa mak bele hadia ETCI bele sai hanesan instituisaun ida nebe mak forte em termos de infraestrutura I mos qualidade de ensino  iha futuro oin mai atu nune bele garante sistema hanorin no aprende (teach and learn) ida nebe mak ho qualifikadu ba povo agricutores nia oan sira iha Timor leste em  geral no spesifikamente ba Ermera !hatan ba questão ne’e  estudante sira hato sira nia sugestão no rekomendasaun ba Strutura ETCI liu husi equipa avaliador ne’e katak  ba futuro ETCI hakarak sai qualidade iha setor edukasaun ETCI presija halo konstrusaun ba aulas de aprendijagem,aumenta tan quantidade komputador no estabelese mos warless atu nune bele fasilita estudante sira bele asesu ba teknologia ida nebe mak moderno hodi partisipa iha mundo globalizado ohin loron  nian, iha sorin  seluk mos sira (estudante)  husu atu aumenta referensi barak tan iha Biblioteca hodi bele fasilita estudante sira ba le’e tanba biblioteca hanesan hahan ba estudante sira nia kakutak (food for brain). Aleinde ida ne’e  estudante sira mos rekomenda tan katak presija cria politika ida nebe mak apropriado atu bele fo apoio ba estudante sira nebe mak qualifikado hodi fo bolsa estudu ba sira atu bele kontinua iha rai liur hafoin remata iha ETCI hodi bele garante sustentabilidade instituisaun nian ba futuro tanba siklu moris sei kontinua lao husi oras ba oras tanba ne’e mak hahu agora ETCI tenqui investe ona.

Add caption

Soares mos realsa tan katak Antes atu remata diskusaun ida ne’e equipa ne’e mos louva ho estudante ETCI sira nebe mak halo intervista direita ho equipa ne’e ho lingua Inglesh I sira mos salienta liu tan katak ida ne’e hanesan esperensia foun ida nebe mak pela primeira ves sira exprime I signifika katak ETCI iha duni ninia qualidade tanba indikador hatudu katak estudante ETCI sira bele apresenta buat ida nebe mak diferente teb-tebes iha momentu importante ida ne’e,Iha  sorin seluk mos sira (acreditation Team) nafatin enkoraja  estudante sira atu kontinua ho komitmentu nebe mak bo’ot atu bele  aproveita no uza oportunidade nebe mak iha hodi priense netik bukae ruma ba futuro tanba loron aban hahu ohin no foin sae sira mak futuro Nasaun Timor-leste nian tanba ne’e matenek nebe mak estudante sira iha presija aplika iha tereno hodi servi ba povo no komunidade agrikultura Timor-leste. (maju mundurnya suatu bangsa di tentukan oleh pemudah masa kini).

Antes termina atu konklui deit katak  laiha mehi ida nebe mak sei nakfilak ba realidade wainhira ita la halo asaun ba ita nia mehi tanba ne’e mai hamutuk ita hahu desenvolve ETCI, kuidadu hamutuk sei lori progresso mai ETCI  no servico hamutuk sei transforma ita nia mehi sai ba realidade signifika ETICA nakfilak ba ETCI ho ita hotu nia kontribuisaun. ETCI-ERMERA, Mario.M.S