Estudante Departemento Agrocolheta Halo Pratika Iha Laboratoria ETCI

ETCI-ERMERA, Estudante East Timor Coffee Institute (ETCI) Departemento Agrocolheta semestru IV halao pratika kona ba materia Uji Indrawi fatin laboratoria ETCI, iha loron Terza Feira, 30 de Outubro de 2012 komesa horas tuku 10.00 to tuku 14.00 horas Timor-Leste.

Iha pratika ne’e mos ho nia objektivu atu ;

    Komprende  klean ba faktores uza inus hodi horon (Pengindaraan)

-  Iha kapasidade ne’ebe uza inus hodi horon (pengindraan), ho lolos atu halao intrepretasaun hodi bele halo diferente entre material uo sasan ruma.

-          Atu aprende klean liu tan hodi kaer metin no hasae kapasidade hodi bele aprende iha parte horon sasan ou material ruma.

-          Iha kapasidade atu sai hanesan ema ne’ebe hodi bele detekta kona ba kualidade sasan ne’ebe atu uza liu husi uji indrawi.

-          Iha kapasidade atu halao servisu tuir prosedur no instruksaun hodi bele graba ho dokumentasaun ba aktividade estudo, hanesan halo relatotio aktividade pratika nian 
      Iha pratika ne’e mos estudante sira ne’ebe partisipa ho totalidade hamutuk 25 estudantes kompostu husi feto ema nain 9 no mane ema nain 16, sira mos bele ona halao analiza tuir pratika ne’ebe foin primeira ves halao iha ETCI durante sira aprende ba materia uza inus hodi horon no senti ba kualidade be no masin (H₂0 no NaCl).

Tuir Dosente Materia (Dosen Mata Kuliah), Sra. Elisabeth Merniana Bera,ST. hateten katak liu husi koko/uji indrawi sai hanesan barometer ida ba estudante sira, bele sai hanesan ema panelis persija tenki iha treinamentu tuir pratika atu bele konese klean ba prosesu /pengindraan Panelis. Elis haktuir tan katak maske ita hare fasil maibe persija tempu barak hanesan prepara a’an didiak, talentu, hatais, disiplina no iha hanoin lalais bele fo valor, hodi sai hanesan barometer ida atu detekta kona ba qualidade iha produtu ruma no mos industria.

Iha parte seluk estudante sira mos apresia teb-tebes ho pratika ne’ebe sira aprende dadaun ne’e sai hanesan parte importansia ida hodi sira bele konese klean liu tan ba materia uji indrawi, wainhira sira kahur masin ho be’e ne'ebe ho nia konsentrasaun diferente hodi sira koko no sente bele halo diferente kedas. Liu husi pratika ne’e mos Estudante Jonia Boroomeu fo nia lia menon ba alin estudante sira ne’ebe remata ona iha eskola sekundaria bele mai foti estudu iha ETCI liu-liu ba departementu Agrocolheta tanba departementu ne’e maka bele koalia klean ba qualidade ai han no halo colheta ba produsaun agrikola. (ETCI-Ermera, Mario M.S).

ETCI Husik Estudante 72, Etapa Primeiro Halao Estagio Iha Sub Distrito Atsabe Distrito Ermera Durante Loron 45.

ETCI ERMERA - East Timor Coffee Institute antes Husik Estudante finalista hamutuk  72 ne’ebe kompostu husi Departemento Agronomia, Agrobisnis, Agrocomercio no Departementu Agroflorestal ba halao ESTAGIO sei iha programa, ESTAGIO nian liu husi Pembakalan durante loron tomak hodi Esplika klean prosesu ESTAGIO hanesan Programa Fisiku, Non Fisiku no Disiplina ba Estagiado sira antes ba iha Sub-Distrito Atsabe Suco Malabe Area plantasaun Eskola Tekniko Profesional (ETPA) Kay Rala Xanana Gusmão.

Sermonia husik Estagiado sira ba halao ESTAGIO ho nia objektivo atu haklean fali sira nia teoria ne’ebe sira simu iha prosesu aprendisajem durante tinan tolu iha ETCI hodi  aplika liu husi pratika ba komunidade sira iha Sub-Distrito Refere, 
Seremonia husik Estagiado sira ne’e, ofisialmente Reitor ETCI Sr. Eng. Lucio Marçal Gomes maka  loke abertura hodi husik Estagiado sira  iha loron Terza Feira 23 de Outubro de 2012 fatin Salaun ETCI, 
iha abrtura ne’e mos Reitor hateten katak husik ita bo’ot sira ba halao ESTAGIO hodi kaermentin ba Lei Ensino Superior nian iha parte Edukasaun, Peskisa no Dedikasaun ba Komunidade sira (Three Dharma Perguruan Tinggi, Pendidikan, Penelitian dan Pengamdian pada Masyarakat).

 Iha parte seluk Vice Reitor Eng.Moizes dos Reis Borromeu hateten iha Seromonia intrega Estagiado sira ba Direktur ETPA  iha fatin ETPA Atsabe hateten katak Estudante sira ne’ebe husi ETCI intrega oficialmente ba Direktur ETPA  ho lider Kominitario Sub Distrito Atsabe ho liman tomak no ai tomak to ami sei mai dada hikas fali durante loron 45 remata no Estagiado sira ne’ebe mai halao Estagio iha Eskola ETPA Atsabe hodi halao programa Fisiku hanesan Halao Propagasaun ba Kafe ne’ebe tuan ona no halo Terrazo ho nia medida Hektares ida ho balu (1¹/₂ Ha), 
Iha sermoni intrega Estagiado sira hetan Partisipa husi Ajunto Administrador  Sub Distrito Atsabe, Presindente Fundasaun Mota Bandeira, Manajer CCT/NCBA, Komandate PNTL Stasaun Sub Distrito Atsabe, Xefe Suco Malabe, Estudante ETPA no Komunidade Suco Malabe. 
Vice Reitor ne’e fo hanoin nafatin ba Estagiado ETCI sira katak tenki tane a’as Alamamater iha Komonidade sira nia le’et no hatudo disiplina Ciensia nian ba Joventude no Komunidade Sub Distrito Atsabe sira durante fulan ida ho balu.
ESTAGIO ETCI ba da huluk ne'e hetan tulun husi CCT/NCBA maka hanesan Material ba halao Rehabilitasaun Kafe no halo Terras (Kado, Ensada no Transporte) ne'ebe hetan suporta husi CCT/NBCA hodi servisu hamutuk ba dezenvolve area Agrikultura liliu  Kafe 
Sr. Lomelino Salsinha hanesan Vice Manajer CCT/NCBA iha nia diskursu badak hateten katak CCT-ETCI sei servisu hamutuk hodi hasae kualidade kafe iha Timor-Leste tanba Kafe agora dadaun produsaun la hanesan tinan hirak liuba, tanba agora dadaun kafe nia produsaun mos komesa menus ba bebeik ho ida ne'e maka nia fo korajem nafatin ba Estudante ETCI ho Estudante ETPA atu haklean didiak sira nia estudu iha parte siensia nian liu-liu tekniko sira importante hodi bele ajuda ba komunidade Agrikultor Kafe hodi hatene ba sistema tau antesaun ba Kafe. (ETCI-Ermera Mario M.S.)

Estrutura Senado Foun ETCI Simu Tomada de Posse ba Mandatu Tinan 1

ETCI-ERMERA, East Timor Coffee Institute  (ETCI) realiza aktividade Re-estrutura no tomada de pose ba Strutura Senado Foun iha loron Quinta Feira, 11 de Outubro de 2012 iha Aula ETCI Gleno-Ermera.

Eis Senado Jose Antonio de Deus iha nia intervensaun hateten katak nia sei pronto halo kopera no fo kontribuisaun nafatin ho strutura Senado foun iha aktividade saida deit, Eis Senado ne mos realsa tan katak maske nia lidera, iha  aktividade barak maka la realiza maibe tempu ba nia maka atraza tebes, ikus niahateten katak depois de husi knar nudar Senado nia mos sei prepara ba halao  Estagio  iha tempu besik, Jose haktuir. 

Filipe Soares Araujo nebe eleito ba kargu Senado Foun ETCI nian  hateten katak atu lori organizasaun ida ne’ebe lidera ema barak hanesan Estudante ETCI tenki iha komitmentu ida katak Servisu uluk maka foin koalia, se ita koalia maka realiza aktividade barak sei la alkansa no iha opotunidade ne’e mos Senado foun apresenta kedas ninia Estrtura iha ETCI hodi kompleta Strutura ba mandatu  tinan 1 (Ida)

Iha oportunidade ne’e mos ETCI halao tomada de pose ba Pro Reitor III ETCI nian ne’ebe uluk lidera hosi Eng. Julio de Jesus Gomes,M.Si, hodi intrega fali  kargu ne’e ba Pro Reitor III, Eng. Alfredo dos Reis hanesan Pro Reitor III foun ETCI nian. no Ex-Pro Reitor III simu kargu foun hanesan Pro Reitor I,

 Gomes hateten ba Estudante ETCI katak Senado foun ho Pro Reitor III foun ne’e tenki servisu hamutuk hodi realiza aktividade Extra Kurikuler no aktividade seluk hodi bele lori Instituisaun ne’e ba oin tanba uluk Instituisaun sei Akademia maibe agora sai ona ba Institute, katak  (ETICA agora muda ona ba ETCI) ho ida ne’e maka tenki servisu hamutuk entre Pro Reitor III ho Senado.

         Eng. Alfredo dos Reis nudar  Pro Reitor III foun iha nia diskursu badak hateten katak nia prontu simu kargu foun ne’e atu halao aktividade Instituisaun hodi lori Estudante sira ba halao aktividade saida deit maka relevante iha aktividade Estudantes sira nian tantu aktividade Desportu, Palku musical/ETICA group, Etica Promote Public Speaking (EP-2S) no seluk-seluk tan, Tamba ne’e Reis haklean katak atu aktividade hotu atu realiza, Estrutura Senadu tenki servisu makas no halo komunikasaun ho Instituisaun hodi bele realiza aktividades saida deit.

Vice Reitor Eng. Moizes dos Reis Borromeu hateten Senado foun tenki servisu makas iha parte fisiku no non fisiku parte rua ne’e importante tebes iha aktividade Senadu nian, iha sorin seluk Vice Reitor ne’e mos hateten katak iha Instituisaun ne’e mos loke ona Kursu Komputador nia no fo nafatin korasem ba Estudante ETCI katak tenki aproveita, la kleur tan sei loke mos linguistic hanesan Portugues no Inglesh (ETCI-ERMERA.Mario M.S.)

CCT-NCBA no ETCI Sei Servisu Hamutuk Hodi Hasae Qualidade Café Iha Timor-Leste

ETCI Ermera - Kafé iha importansia bo'ot ba Timor Leste, funsiona hanesan kultura nebe'e fo rendementu ba uma-kain besik 38% unika halo exportasaun.

Timor Leste hanesan mos Nasaun potensial iha area agrikula no plantasaun nebe’e domina iha produsaun Kafé. Hare ba kondisaun nebe’e  iha maka Kafé nia produsaun komesa tu’un dadauk hosi 1 hectares hetan deit

Kafé kulit tasak 500 kilo grama ba to 900 kilograma. Bazea ba kondisaun ne’e maka CCT-NCBA komesa halao parseria ho Nasaun doadores hanesan Estadus Unidos da America liu hosi USAID no Novazelandia hodi halao’ programa rehabilitasaun ba Kafé nebe’e tuan ona no halo viveiros foun ba Kafé oan atu troka Kafé nebe’e tuan ona.

Atu atinje obejetivo nebe’e iha leten maka progarama ne’e halao’ ona iha area 14 nebe’e kolokadu iha Distrito Ermera, Aileu, Ainaro no Same liu hosi programa edukasaun ba agrikultores sira hanesan tuir mai:

    1.     Visaun no misaun rehabilitasaun

    2.     Edukasaun tekniko tesi Kafé no kuda Kafé

    3.     Gestaun ekonomia familia tuir rendemento Kafé

    4.     Inpacto ambiente ba dezastre Natureza

Informasaun ne’e hato’o hosi koordenador training e’ certificado Cafe organico Eng. Mateus Maia de Jesus,M.Ecn.Agr. CCT-NCBA Nebe’e durante fulan ida nia laran  hahu dia 10 -29 Setembro 2012 halao aktiviade treinamento ba agricultores sira.

Hatan ba prekupasaun nebe'e refere maka East Timor Coffee Institute (ETCI) mos prepara ona  kuantidades viveiros Kafé oan ho totalidade 40.000 iha tinan 2012 no sei prepara halao distribuisaun iha fulan Dezembro 2012 no fulan Janeiro 2013 mai. Kafé oan nebe'e atu halo distribuisaun ba komunidade agrikultor sira ETCI sei entrega ba CCT/NCBA maka halo distribuisaun dereta ba komunidade sira iha baze. (ETCI, Ermera, Mario M.S.)