Alumni ETICA hateten liu husi Mehi bele transforma ba Realidade

ETCI Ermera - Iha tinan 2003 data 17 / fulan Maiu Marka Istoria ida ba Distrito Ermera, nebe deklara ba publiku katak Ermera hahu loke ona Academia ida, ho naran ETICA (East Timor Coffee Academy),

Inisiativu ne’e mai husi Intelektual Ermera oan sira, nebe mai husi Veteranus, Juventude, Igreja, Sosiedade civil, lider komunitario, hodi deklara publikamente no hamahan an iha fundasaun LAHER (Lete-foho, Atsabe, Hatolia, Ermera, no Railaco)

Hafoin de publikamente deklara, Hau Jaime Soares Dos Santos, hahu rejisto iha Academia ne’e hodi sai estudante ba dahuluk ho kolegas lobun ida ne’e mai husi distrito Ermera inklui mos distrito seluk, iha momentu neba  ETICA hahu loke ho Diploma Trez (DIII) ho  Fakuldade Agricultura, departementu Agrobussines, Agronomia, Agofloresta, inklui  Agro Komersio, no sai hanesan dosente mak Ermera oan sira nebe fo kontribuisaun makas ba iha Academia  ne’e, no ikus mai sira oferese an atu hanorin, no prepara kondisaun mai to ohin loron,

Hahu husi tinan 2003, esforsu barak maka intelektual  lobun ida nebe halibur iha Instituisaun ne’e halo, maske lao neneik, maibe lao bebeik, hasoru desafiu barak maibe Intelektual hirak ne’e la lakon esperanca, katak tenki hakat ba oin,

Wainhira deklara, instituisaun  ne’e lidera husi Ir. Lucio Gomes nudar Director ba Academia ne’e, maske ho recurso  limitado maibe sira hisik kosar no esforsu nafatin, atu prepara kondisaun nebe sufisiente atu bele estabelese nafatin nudar instituisaun edukasaun ida iha Nasaun foun Timor Leste, 

Ho tulun nebe USAID no NCBA apoiu maka ETICA bele hamrik metin  nafatin to ohin loron ho estudante lobuk ida nebe hahu sai hanesan Perintis ba  instituisaun ne’e, maibe finalidade husi esforsu hirak ne’e mak iha tinan 2008 ETICA bele hetan akreditasaun husi Governo  Timor Leste liu husi Ministerio Educasaun, Ho  pasu ba pasu maka iha 2009 TICA mos bele fo graduasaun ba estudante Perintis hamutuk  49  nudar etapa graduasaun ba dahuluk,  nebe ohin loron namkari ona ba servisu iha fatin barak, no balun konsege ba hasai Lisensiatura hodi fila hikas mai kontribui ba instituisaun ne’e hanesan Dosente,

Loron lao ba bebeik, Tinan troka ba bebeik, Instituisaun ne’e koko atu halibur nafatin estudante sira hodi bele produz  fini diak ba Nasaun ne’e, ohin loron 2012 ETICA koko atu marka tan historia ida iha Distrito Ermera nebe ETICA sei transforma  a’an ba ETCI, ho nia intensaun katak ETICA bele produz Diploma Trez (D3), maibe ETICA koko atu transforma ba ETCI ho hanoin atu loke Lisensiatura (S1), Planu hirak ne’e tau hela ba agenda no subtitui ona ba iha Ministerio Educasaun, diresaun Recurso Umanu, Equipa Akreditasaun, maibe formalmente  Strutura tomak ETICA nian  sei deklara publikamente iha ETICA nia Historia nebe tau hela ba Planu atu muda ETICA ba ETCI iha tempu besik  no halao mos Serimonia segundu Graduasaun ba estudante ho total  152,

 Redasaun badak ne’e hatudu mai hau “Jaime Soares Dos Santos” Nudar  estudante ba dahuluk (Perintis) maibe la konsege finalize relatory bad ala ikus iha tinan 2006 liu ba, hadi gradua iha tinan 2009, hare ba kontekstu katak Edukasaun nunka mais Tarde (Pendidikan tidak ada Kata TERLAMBAT), entaun ho esforsu an nafatin, motivasaun kolegas, amigus, Parentes, no familias, iha data 30 fulan Julho tinan 2012, Hau konsege Hakat ba Izame Meja (UJIAN MEJA) atu bele kompleta hau nia estudu iha ETICA ho Diploma Trez (D ³) maibe ho transformasaun ETICA ba ETCI sei iha oportunidade ba hau atu kontinua mehi nebe rai hela ba hau, katak  “Education Is Good For Supplies At Old Age, If  Today We, Become The audience, patient, Players Become Tomorrow, Do not Cause Delay, Until Tomorrow What Can, Do you today, In charge of discipline, Adults in the act, and Dynamic in the activities”  redasaun badak ne’e hau usik hela ba foin sae sira liu husi knal ida ne’e : http://easttimorcoffeeinstitute.blogspot.com.au/ maibe koko saida mak ita bele halo, no saida mak ita bele kontribui, ETICA ka ETCI presija ita hotu nia kontribuisaun, instituisaun ne’e nia intensaun espesifiku liu ba area agrikultura, tamba ne’e realidade nebe iha mak Ermera ohin loron ruin no krekas, maran ba bebeik iha foho leten sira, no rai klean sira, tamba ne’e karik ETCI bele sai alternative ida atu bele transforma Ermera ba rai matak, Buras, no morin iha futuru, ikus mai buras no matak ba Rai doben Timor Leste

Hakerek nain, Jaime Soares Dos santos, nudar Perintis no Alumni ETICA nebe atu transforma ba ETCI, Departementu Agrobusines, hela fatin Perunmas Gleno, redasaun ida ne’e responsavel husi hakerek nain, nebe haklean katak buat hotu iha leten hanesan mehi ida husi Intelektual Ermera oan sira, maibe liu husi Mehi bele sai realidade katak Mehi transforma ba realidade” tamba ne’e mai ita hotu agradece ba Maromak nebe akompanha nafatin ita to ohin loron (Opini ne’e simu husi hakerek nain via E-mail Sexta feira 21/09/2012, Mario M.S.)