ETCI Ermera. Estudante East
Timor Coffee Institute (ETCI), halao devate publiku iha Palku ETCI, loron
sexta, 16 Maio 2014, iha aktividade
devate entre estudante hodi komemora loron aniversariu ETCI ba dala XI. 
Iha devate entre Departemento
ne’e hetan partisipasaun husi Civitas Akademiku maka hanesan Vice Reitor, Dekanu, Xefe Departementu,
Dosente, Senado Estudante, koordenador EP2S, FOHAN, ETCI Group no Estudante
ETCI, antes halao seremonia devate entre
estudante, sei lao ho diskursu badak husi koordenador EP2S Rui Fernandes
hateten katak, EP2S hanesan organizasaun ida hodi kapasita kolega estudante
sira liu husi treinamentu devate kampus ba estudante, oinsa bele koalia iha publiku
tuir dalan sistematiku hodi bele kompete entre universidade iha Nasaun Timor
Lorosa’e nomos iha publiku nasional no
regional.
Iha
parte hanesan diskursu husi Vice Reitor Sr. Julio de Jesus Gomes hateten katak
aktividade devate estudante ne’e sai hanesan papel importante ba estudantes
sira oinsa bele koa’lia iha publiku nomos oinsa bele koa’lia tuir dalan
sistematiku hodi estudante sira mos bele kolia iha komunidade sira nia oin hanesan komunidade intelektual
ba ema hotu i sai mos lalenok diak ida ba publiku, hodi ema seluk bele hare
tuir, iha parte seluk mos Gomes realza tan katak ba estudantes sira dehan
aktividades hanesan ne’e maka estudante sira tenki proaktivu atu nune’e
estudante sira bele iha ona bukai ruma antes remata iha Universitariu ETCI,
Gomes hateten tan katak wainhira estudante sira estuda no aprende iha sala
laran no hetan valor A,B la inklui iha organizasaun ruma sei la halo buat ida,
tanba valor ne’ebé estudante sira hetan sei la aplika dereta ba komunidade sira
mai’be espresia ne’ebé iha maka komunidade sira presija.
Iha
sorin seluk Sr. Juli Madeira hanesan Jury ba Panelista sira iha nia intervensaun
hateten katak liu husi devate entre universidade ETCI mos bele kompete ona iha
Universidade Nasional Timor Lorosa’e (UNTL), Univerdade de Paz (UNPAZ),
Universidade Dili (UNDIL), UNITAL, IOB no Universidade, Instituto sira hotu,
ETCI/ETICA nia presensa liu husi devate hetan ona 1º lugar no 3º iha devate nasional, Madeira mos hateten
ba panelista no partisipante sira wainhira antes hakat ba devate fo koragem ba
panelista sira dehan kuando iha devate labele hare ba partisipante sira maibe
tenki konsentrasaun lolos ba iha materia ne’ebé hato’o atu nune’e labele prejudika
wainhira panelista sira apresenta iha palku parte balu mos Jury ne’e hateten
katak Instituisaun ETCI mos produs ona intelektual ho qualidade ne’ebé diak no
barak ona maka servisu ona iha Governu no NGO sira iha Timor Lorosa’e.
Tuir
observasaun katak depois komentariu badak husi jury panelista sira hakat ba iha
palku apresentasaun tuir fakuldade 3 ho departemento 9 ne’ebé existe iha ETCI
halao kedas apresentasaun kada departemento. Panelista sira ne’e representa
kada departementu ema nain 3 no sira rasik prepara materia apresentasaun tuir
sistematika apresentasaun nian. ETCI Emera, Mario M.S.
Tidak ada komentar:
Posting Komentar