Sai Hanesan Estudante “ETCI” Laos Fasil Pasensia Hodi Manan Ciencia

ETCI Ermera. Orientasaun hanesan meus ida hodi Estudante foun sira konesementu klean liutan ba ambiente kampus, Senioritas, Strutura ETCI no Dosente ETCI. Liu husi orientasaun hodi treinu mentalidade estudante sira wainhira hakat tama mai iha East Timor Coffee Institute (ETCI),  hanesan Estudante Universitario ida ne’be nakonu ho disiplina Ciensia no Kualifikasaun diak. Aktividade Orientasaun ne’e halao iha Kampus ETCI, loron Sexta Feira, 15 de Febreiro 2013. Atu kompletu liu tan mai ita hamutuk le’e kometario badak husi Estudante foun ne’be halao hela Orientasaun.

Iha Aktividade Orientasaun ne’e Estudante ne’be ho naran kompletu Veronica Soriano husi Fakuldade Educação Departemento Biologia iha nia komentario hateten katak, durante loron Hat (4) ona nia tuir aktividade orientasaun komesa iha abertura liu husi ensara de bendera ate agora sente kontenti tanba ami nia maun senioritas sira orienta ami ho diak mak hanesan haruka ami halo servisu, treinu ami nia mentalidade, fo konesementu klean ba ambiente kampus. Hau hanesan estudante foun ne’be atu hakat tama mai iha Universitario “ETCI”, sei laiha duvidas tanba buat barak maka ami nia maun senioritas sira dedika hela mai ami iha aktividades orientasaun ne’e. Vero haktuir tan katak, Ikus liu hau lori estudante orientasaun hotu hato’o agradece wain ba maun komisaun orientasaun hanesan ami nia maun senioritas, ne’be sira soe hela sira  nia tempu tomak hodi dedika hela mai ami durante orientasaun.

Iha sorin seluk Estudante Feliciano Soares, husi Fakuldade Agrikultura Departemento Agroflorestal, hanesan Estudante Orientasaun hateten katak, iha Universidade ne’be wainhira atu hahu prosesu hanorin no aprende ba hahuluk sempre lao ho prosesu Orientasaun, tanba ne’e mak “ETCI” mos hanesan ensino Superior ida tinan-tinan sempre halao orientasaun hodi simu estudante foun sira, atu komentario mos katak hanesan estudante ba orintasaun ida ne’e sente orgolhu tamba ho orientasaun ida ne’e orientador sira bele orienta ami atu bele adapta ho ambiente no situasaun foun iha Universidade ida ne’e. Aliende  ida ne’e orientasaun ne’e mos treinu ami nia mentalidade atu bele sai hanesan estudante universitario ida ne’be mak posotivo nune’e ba futuru bele sai hanesan estudante ne’be mak kualifikado no ikus mai sai hanesan lideransa diak ida iha futuru. Hau mos konsiente katak ciencia ne’e Caro (Knowledge is Expensive), tanba ne’e prosesu inicio de luta ida ne’e atu bele atinze hau nia mentalidade no espetativa. Soares hakuir tan ho nia motto dehan katak, atu hetan bukai ruma tenki pasensia no lakon buat barak mak foin hetan bukai ne’e.

Leopoldino Vasco Martins, kaer pasta mos hanesan Komisaun Organizadora Orientasaun iha nia intervensaun hateten katak, hanesan Komisaun Organizadora ne’be organiza hela orientasaun ida ne’e nia papel mak oinsa atu transforma ciencia no pratika ne’be justo ho credivel tuir lei no sistema ne’be estabelese ona iha Instituisaun.

Durante loron 4 (hat), nia laran estudante foun ami bolu honaran Cama (ba mane) no Cami (ba Feto), sira tuir orientasaun ho Disiplina no komitmento ne’be diak I ami spera katak orientasaun ida ne’e sei lori Cama-Cami sira konese klean ambiente Kampus ! hanesan Aiknanoik ida dalen “Wainhira atu hakat ba tur iha kadera aprendisajem (banku kuliah), hodi halao prosesu Aprendisajem uluk nanain sei konece uluk lalaok mbiente kampus no liu husi komisaun nia liman ain studante foun sira bele konece klean “ETCI” nia fuan. Vasco haktuir tan katak Implementasaun programa orientasaun devide ba parte 2 (rua) hanesan, Asaun Fisiku no Non fisiku. Asaun fisiku katak, studante sira tenki servisu maka’as ho bi’it ne’be iha hodi halao servisu hanesan, Halo lutu haleu kampus, seed house, Volly ball, lalin fatuk, Rai henek no seluk tan. Asaun Non Fisiku, hanesan parte ida importante tebes oinsa atu eduka no promove mentalidade studante foun sira, hanesan, Public Speaking (koalia publiku), kanta, dansa, halo relatorio ciensia (Makalah no Paper) tuir sistematika Ciencia Ensinu Superior no tenki iha responsalvidade ba nia assaun sira. Ho programa rua menciona bele fo ona motivasaun bo’ot atu nune’e Cama-Cami sira bele ba nati tuir ami nia ain fatin. Principio ho lian ida dehan, (Coming together is the beegning, Keeping together is the progress and working together is Succed to Develop East Timor Coffee Institute (ETCI) in the future. Katak ; mai hamutuk ne’e fase ida, tau hamutuk hanesan ita hotu nia progressu no tau hamutuk ne’e hanesan ita nia secesu hodi dezenvolve “ETCI” iha Futuru.

Dalen Teoria Fohan : “Teoria mak zeneralija esperensia, Mai Pratika mak parte ida ba Konesemento”. Tuit observasaun katak pinalidade orientasaun ne’e sei halao Ensaramento iha loron Sabado mai. ETCI, Ermera. Mario M. S.